மாற்றமே வாழ்க்கையாகும்:!!!!!!!!!1

பாடல்.:சேரன் .

காற்றோடு போனதெல்லாம் கனவோடு மீளக் கண்டேன்

ஆற்றோடு போனதெல்லாம் அலையோடு சேரக் கண்டேன்

வேற்றவர் நாட்டுக்குள்ளே வேறென்ன கிடைக்குமென்று

தீட்டிய பாடலொன்றே தெருவோரம் முழங்கக் கேட்டேன் .

வற்றாத ஊற்றினோரம் ஆடிய மலரைக் கண்டேன்

கிட்டாத காதலுக்காய் கரைகின்ற கோபம் கொண்டேன்

பாட்டோடு பிறந்த நெஞ்சம் பழுதாகிப் போவதுண்டோ

முற்றாத காதலோடு முழுமையை தேடுகின்றேன்.

                                            (காற்றோடு போனதெல்லாம்...)

நேற்றைய நினைவின் கோலம் நிழலாகி மறைந்த போதும்

தோற்றத்தில் மாற்றம் சேர்ந்து துயரங்கள் சூழ்ந்த போதும்

தோற்காது வாழ்க்கை என்பேன் தொடர்ந்து நான் முன்னே செல்வேன்

மாற்றமே வாழ்க்கையாகும் மாறாமல் ஏதும் உண்டோ...

                                               (காற்றோடு போனதெல்லாம்....) 

மாற்றங்களே நிலையாகிப் போன வாழ்வினிலே 

கடந்தவை கடப்பவை எல்லாம் காட்சியாய் மாத்திரம் 

மனம்தனில் பதிந்து போகிறது 
அண்மையில் என் செவிவழி ஒலித்த  ஒரு இசைத்தட்டின் பாடல் .

அந்த பாடலின்  ஒலி வடிவத்தை தர  முடியாவில்லை அதனால் வரிகளை பகிர்ந்துள்ளேன்  

Posted in: பாட்டு